Тағы да Техникалық шығармашылық мектебінің командасы кеме модельдеу, әуе модельдеу және бастапқы техникалық модельдеу бойынша облыстық жарыстарда сәтті өнер көрсетіп, жоғары дайындық деңгейін, шеберлік пен шығармашылық көзқарасты танытты. Команда облыстағы үздік атанды!

Жарыс қорытындысы бойынша біздің тәрбиеленушілер түрлі санаттарда жүлделі орындарға ие болып, мектеп намысын облыстық деңгейде лайықты қорғады. Командалық есепте мектеп командасы жалпы 16 жүлделі орынға ие болды: 6 бірінші орын, 5 екінші орын және 5 үшінші орын. Қатысушылар модельдерді құрастыру мен басқаруда үздік нәтижелер көрсетіп, техникалық білімдерін, дәлдіктерін және командалық рухтарын паш етті.

Оқушылар мен педагогтерді лайықты марапаттарымен шын жүректен құттықтаймыз! Алдағы уақытта да жаңа жеңістерге, биік жетістіктерге және техникалық шығармашылықта толағай табыстарға жете берулеріңізге тілектеспіз!